 Ս. ՍՏԵՓԱՆՈՍ ՆԱԽԱՎԿԱ
Ստեփանոսը մեկն էր այն 7 հոգուց, որոնք Երուսաղեմի Եկեղեցու կողմից սարկավագ ընտրվեցին ժողովրդին սպասավորելու համար: Նա Սուրբ Հոգու շնորհներով և զորությամբ լցված երիտասարդ էր և Հիսուսի մասին վկայում էր ոչ միայն խոսքով, այլև զարմանալի գործերով ու նշաններով: Նրա քարոզներն ու անվեհեր կեցվածքը, իմաստությունը և հաստատակամությունը գրգռում էին փարիսեցիներին ու դպիրներին, որոնք Ստեփանոսին, որպես հայհոյիչի և հերձվածողի, դատապարտեցին մահվան:
Հրեաները նրան քաղաքից դուրս հանելով, քարկոծելով սպանեցին:
Ստէփանոսը դարձավ Եկեղեցու առաջին վկան ու նահատակը: Նրա նահատակության վայրը Երուսաղեմի արևելյան կողմի դարպասն էր, որը հետագայում կոչվեց Ստեփանոսի դուռ:
|
