 Ս. ՆԵՐՍԵՍ ՇՆՈՐՀԱԼԻ
Ս. Ներսեսը` Պահլավունիների տոհմի շառավիղը, ծնվել է Ծոփած նահանգի Ծովք դղյակում: Հիմնավոր կրթություն ստանալով Կարմիր վանքի դպրոցում` 1166թ. նա ձեռնադրվել է հայոց կաթողիկոս` հաջորդելով իր եղբորը, որի օգնականը և խորհրդատուն է եղել դրանից առաջ:
Կյանքի վերջին շրջանում հայրապետն ապրել է Հռոմկլա բերդաքաղաքում, որի անունով էլ նրան կոչել են Կլայեցի:
Ս. Ներսեսը, որը իրավմամբ կրում է Շնորհալի մականունը, մեզ է ավանդել բազմաթիվ երկեր` թե արձակ (մեկնություններ, թղթեր, ճառեր) և թե չափածո (շարականներ, տաղեր, գանձեր, ներբողներ): Նրա անվան հետ է կապվում հանելուկի` իբրև գրական առանձին տեսակի ստեղծումը:
Սուրբ հայրապետը նաև հմուտ երգահան էր, հայ երաժշտության կիլիկյան դպրոցի ամենափայլուն ներկայացուցիչը:
|
