 Ս. ԳՐԻԳՈՐ ՆԱՐԵԿԱՑԻ
Հայ Եկեղեցու մեծագույն սրբերից մեկի` Գրիգոր Նարեկացու մասին փոքրաթիվ, սակայն հավաստի տաղեկություններ են պահպանվել: Նա Խոսրով Անձևացու որդին էր: Կրթությունը ստացել է իր ժամանակ հռչակված Նարեկա վանքի դպրոցում, որի վանահայրն էր իր մոր հորեղբայրը` Անանիա Նարեկացին: Հետագայում Գրիգորը դարձավ այդ վանքի սյուներից մեկը: Մեզ են հասել նրա անվան հետ կապված մի քանի ավանդություններ, որոնք վկայում են Նարեկացու շնորհների և սրբակեցության մասին: Տակավին կենդանության օրոք նրան կոչում էին «հրեշտակ մարմնի մեջ»:
Ս. Գրիգորը գրել է ներբողներ, գանձեր ու տաղեր, Երգ երգոցի մեկնությունը, ինչպես նաև նոր շունչ և կյանք է հաղորդել միջնադարյան հայ երգարվեստին: Սակայն նրա գլուխ գործոցը հռչակավոր «Մատյան ողբերգության» պոեմն է` «Նարեկը», որը սիրելի աղոթամատյան է յուրաքանչյուր հայ հավատացյալի համար:
Հայտնի են բազմաթիվ հրաշագործություններ` կապված այս զորավոր գրքի հետ:
| 
